"Binosöv vemo jönik", ägespikof daut neplütiko, "das ogolob lü fon!" - "Vilob, das ogolol usio", äsagof mot,"e gololöd sunädo!" Daut ägolof, ab ai mürölo. Äsumof vasodi largentik jönikün, kel äbinon in lödöp.Töbo äkömof lü fon, älogof lädi, vemo liegiko päklotöli, kel äsegolof se fot ed äbegof drini de of (atos äbinon jifey ot, kel äsumof fomi e klotis jiplina, ad logön, viogretik obinon bad jipula at)."Äkömob-li isio," äsagof ofe jipul neplütik ä pleidik, "ad givön ole drini? Fümiko, elüpolob vasodi largentik patiko ad atos, ad givön drini läde at! Ced obik binon: sumolöd vati, ol it, if vilol drinön." - "Leno binol plütik, " äsagof jifey nen zun. "Gudö, ibä binol so dünöfik, dunob ole legivoti, das pö vöd alik, keli ospikol, osegolon se mud olik ü snek ü frog."
Subscribe to:
Post Comments (Atom)
3 comments:
lien 6: . . . ed äbegof drini . . . (naböfikum)
lien 7: 'sui ok' no binon zesüdik!
lien 8: ÄkÖmol-li . . .
lien 9: . . dat givob ole drini?
lien 10: . . . patiko AD atos
lien 11 . . . ad givön drini läde at . . .
lien 11 . . . Sumolöd vati, ol it, if vilol drinön.
Bi nem JIFEY no binon vöd volapükik, zesüdos ad penön, balido, 'jiel-i,' poso te 'el-i' fo nem at.
"Ed äbegof drini" - gudö, binon brefikum. "äsumof fomi" - si, id atosi kanoy brefükön. Ye lien 8:
"Äkömob-li..." binon in fom somik in rigäd! Jipul badik säkof dö of it, no kanob votükön atosi.
"dat givob ole drini" - kikodo no kanon-li binön "ad givön ole drini?". "patiko ad atos" - si, gudikum ka "pro atos". E nu lükömöbs lü säk veutikün: "jifey" no binon-li vöd volapükik? Liö?!
Ätuvob oni dönu in vödabuk söla Cherpillod, ko sams anik: "fey", "feyik", "jifey",
"feyalän". Lautan vödabuka pölom-li?!
Gidetol! Jifey vo binon vöd volapükik!! Drimob! Pardö!
Tefü 'ÄkÖmob-li,' emisuemob obi; mutol läükön mali pepenöl sus tonat 'O' in rigäd.
Post a Comment