Bevü klifs kuprinagik di Fahlun ed in kolatameinäds Lingläna liloy flapami flitämas onik, e fliton sus plekabuk in nams vobana. Su bled lotuta mofon vati saludik de flumed ela Ganges, e logs jipula Lindänik litikons, ven logof oni. Böd Fönig! No sevol-li oni, bödi parada, svani saludik kanitama? Su luvab ela Tespis äseadon äs rab spikotälik ed äflapon me flitäms blägik lefatofik. Sus hap kanitana Lisladeänik honed redik tonädik böda äslifon; su jots hiela Shakespeare äseadon äs rab hiela Odin ed ävisipon ome ini lil: nendeadöf. Dü zäl kanitanas äfliton travärü lecem kavidanik di Wartburg.
Subscribe to:
Post Comments (Atom)
3 comments:
Kiöp binon-li „Fahlun?”
lien kilid lotus = lotud
lien folid flumed elA Ganges
liens folid e jölid Lindänik, Lisladeänik
(Volapük labon tonati gretik ad primön ladyekis länas äs in Linglänapük, no äs in püks romenik)
lien lulid bödi parada
(cedü ob binon jönikum ka „bödi paradik.”)
Ma hiel Arie de Jong, el „lotus” binon „lotut.”
(Fövot deglulid Vödabuka omik)
Nemi el "Fahlun" etradutob nes ceinön oni. Poso äsukob pläni, kiöpo el "Fahlun" binon e bai nuns se bevüresod sevob nu, das binon zifil in tat Minnesota. Ye no fümob, va el "Fahlun" in mär at
pamäniotöl binon vo zifil ot.
Tonatis gretik tefü nems länas opladob tö prims vödas tefik.
Post a Comment