Regason, kel älogom, das se mud ofik äsegolons pärlats anik e diamoins anik, äbegom ofi, das ösagof ome, kiöpao atos kömon. Äkonof ome ventüri okik lölik. Regül ävätälom, das fäg somik labon völadi gretikum, ka valikos, kelosi kanoyöv givön gamagivoto lädüle votik, ädedugom ofi lü ledom fata okik, sevabo reg, kö ämatikom ko of. Ab dö sör ofik kanobs sagön, das ävedof so nelöföfik, das mot lönik ofa äsemofof ofi de ok; e jipul neläbik, mödo irönölo ed ituvölo neki, kel vilonöv getedön ofi, suno ädeadof tö gul fota.
Subscribe to:
Post Comments (Atom)
2 comments:
lien 2 äbegom ofi
lien 6 pata = fata
Danö! Emekob ceinis tel.
Post a Comment