Ün del semik, ven äbinof näi fon et, äkömof lü of vom pöfik, kel äbegof ofi ad givön ofe drini. "Vemo vilöfo, gudälan obik", äsagof jipul jönik. E sunädo älavof lufladi okik ed äkupof vati tö plad klinikün fona, keli älüpolof lü vom, ai kipölo lufladi, dat vom ökanof drinön koveniälikumo. Ven vom gudik isatükof soafi okik, äsagof jipule: "Binol so jönik, so gudik ä so snatik, das mutob givön ole legivoti" (ibä atos äbinof jifey, kel isumof sui ok fomi voma pöfik vilaga, ad logön, viogretik öbinon plüt jipula yunik at). "Dunob ole legivoti," äfövof jifey, "das pö vöd alik, keli osagol, se mud olik osegolon ü flor ü ston jerik."
Subscribe to:
Post Comments (Atom)
4 comments:
. . . näi fon . . .
. . .kel äbegof ofi ad givön ofe drini . . .
. . . ed älabükof vati tö plad klinikün fona, keli älüpolof lü vom, ai kipölo lufladi . . .
. . . ven vom isatükof soafi . . .
. . . fomi pöfik vilaga . . .
Jenöfo, kikodo no kanoy-li sagön
"fon et"? "...kel äbegof ofi ad
givön ofe drini..." ba logoton gudikumo, okoräkob atosi. "... fona, keli..." kanonöv kofudükön,
bi jipul älüpolof vati u foni?
"kipölo" binon gudik, ab "stütölo"
no binon-li vöd verätik? Si, "isatükof" binon gudikum ka "itakedükof", okoräkob oni. "fomi pöfik vilaga" jinos gudikum, gidetol.
Lesi! 'et' binon gudik; pökil äbinon 'nÄi.'
No dabinon kofud tefü 'keli.' Kanon tefön te 'vati.' If tefonöv vödi 'fona,' geboy 'se kel . . . '
'Stütölo' vo dabinon, ab ad jonön bosi gretikum, samo:
Stutöm stüton bumoti.
Ag! Suemob, no äküpetob, fumö! atos muton binön "näi". Din telid,
if "stütölo" binon tufefik, ovotükob atosi ad "kipölo".
Post a Comment