Sunday, March 3, 2013

Bal drinedas oba plitikünas

In Yapän dabinons pateds tel bira - bir veratik e drined, kel no binon bir, ab ye logoton äs bir e smekon tio äs bir. No ilogob büo magedi somik in läns votik, ab in Yapän atos nomon. Pated telid panemon "happoshu" e labon mödoti smalikum malta, ma sagäd binos läs ka 67%. Disein atosa binon säkäd anik tripik, ab voiko no nitedälob dö etos. El happoshu panemon id as "bir lövamaltik", kluo binos fikulik ad sagön, va binon verato bir u no. Alo binon bal drinedas oba plitikünas. Balido, fräd ona binon lövikum, e telido smek vo sümedon. Plidob ad drinön drinedi at!

1 comment:

Hermann said...

Ledin binon, das bir nemödamaltik at smekon gudiko e ninädon lalkoholi saidik ad kodön seni plitik.
Ab mögos, das biri-drinans Deutänik no läbonsöv dö bir ko malt nemödik.
Jinos, das bir nemödamaltik no dabinon in Deutän.