tag:blogger.com,1999:blog-62626133619168847872024-03-14T02:52:25.937-07:00MENEFE BAL PÜKI BAL (Delabuk in Volapük)Washireihttp://www.blogger.com/profile/00375757498699755292noreply@blogger.comBlogger39125tag:blogger.com,1999:blog-6262613361916884787.post-61280756536717245522013-03-03T05:50:00.000-08:002013-03-03T05:50:44.232-08:00Bal drinedas oba plitikünas <div style="text-align: justify;">
In Yapän dabinons pateds tel bira - bir veratik e drined, kel no binon bir, ab ye logoton äs bir e smekon tio äs bir. No ilogob büo magedi somik in läns votik, ab in Yapän atos nomon. Pated telid panemon "happoshu" e labon mödoti smalikum malta, ma sagäd binos läs ka 67%. Disein atosa binon säkäd anik tripik, ab voiko no nitedälob dö etos. El happoshu panemon id as "bir lövamaltik", kluo binos fikulik ad sagön, va binon verato bir u no. Alo binon bal drinedas oba plitikünas. Balido, fräd ona binon lövikum, e telido smek vo sümedon. Plidob ad drinön drinedi at!</div>
Washireihttp://www.blogger.com/profile/00375757498699755292noreply@blogger.com1tag:blogger.com,1999:blog-6262613361916884787.post-8565477794065039202013-03-01T00:29:00.002-08:002013-03-01T00:29:48.339-08:00Steifülobsöd-li ad penön nog balna?<div style="text-align: justify;">
Flen Deutänik Hermann esagom obe bü nelunüp, das ijuitom reidami delabuka obik. Äsäkom obe, va äjäfikob nog me penam Volapükik. Jenöfo no idunob osi sis tim semik, ab kikodo no-li? Cedob, das viloböv penön nog balna, ba atnaedo okanob fövön gudikumo. Kin sevon-li atosi? Ab sevob gudiko, kikodo ästopob. Sevabo, no äsenob Volapükamufi saidik ad givön obe mäpeti. Ye no vilob plonön. Pük milagik at meriton lestümi. </div>
Washireihttp://www.blogger.com/profile/00375757498699755292noreply@blogger.com1tag:blogger.com,1999:blog-6262613361916884787.post-58324869026924494502011-10-21T18:58:00.000-07:002011-10-21T19:02:57.539-07:00Bludasänsur in pledöm yapänik PS3<div align="justify">Äsä ya äpenob in nunot büik, pledob dönu eli "Uncharted" (anu binos dil balid, suno oprimob dini telid). Läbo, atna no ejenon säkäd kaenik ut, dö kel ipenob, efe sturam cina dü pledam. Atna pled lölik ägolon ze smufiko jü fin. E mutob sagön, das vo juitob oni mödo. Klu, anu pledob dönu de prim. Ab pidabiko binos säkäd votik, kel verato närvodükon obi. Binon bludasänsur. Ven äpledob pledi at balidna, äremob täno eli "Uncharted" in yapänapük. Täno blud leno äpubon. Äküpetob osi gudiko ed äleigodob pledi at ko el "Uncharted" meropik, in kel klüliko blud binon logädik äs in pleds somik. Ab no in pled yapänik. Äsuemob, das äbinon sänsur. Ibo atna eremob eli "Uncharted" meropik ko spel, das valikos öbinon gudik. Ab no, liedö! Blud dönu pesänsuron! Atos binon vemo fopik, ibä dü dunot valikos logoton muadiko. Klu äsukob pläni ed etuvob oni - sänsur binon ya in pledöm it! If labol eli PS3 yapänik, täno no veütos, va pledol pledi yapänik u meropiki, bi pled memosevon cini yapänik e koedon oni sänsurön bludi. Säkäd suemik tefon samo pledi votik: eli Resistance ("Tadunam", dil balid - "Fal Mena"). Ob ed i pledans votik säkobs: kis binon-li siäm sänsurama somik fopik? Binobs daülans e vilobs juitön pledis gudik, kikodo dunoy-li fopi somik, plüo das el Uncharted no binon tu mäpetik? Läbo el "Uncharted" binon pled vemo jönik magodo e to sänsur et fopik ye juitob pledi at. </div>Washireihttp://www.blogger.com/profile/00375757498699755292noreply@blogger.com0tag:blogger.com,1999:blog-6262613361916884787.post-57392093007300155662011-10-16T03:37:00.000-07:002011-10-16T03:39:40.160-07:00El "Uncharted" päked telik pro PS3<div align="justify">Adelo äremob in Akihabara päkedi telik ko pled el "Uncharted" - dil balid e telid pro PS3. Memob, das büäto äremob eli "Uncharted" balid ed äjuitob oni mödo jü tim, kü PS3-cin ästuron ün timül semik. Sevoy gudiko, das do binon pled legudik, pledans mödik älabons säkädi somik in cins lönik. El Uncharted balid älabon bo pöli kaenik. Kodü etos no äkanob finükön pledami. Äpidob osi vemo. Ye sevob, das binon pled vemo gudik ed anu, kü dabükot at epubon dönu, vilob gevön one fädi nulik. Opledob oni fümo e spelob, das el PS3 no osturon atna! </div>Washireihttp://www.blogger.com/profile/00375757498699755292noreply@blogger.com0tag:blogger.com,1999:blog-6262613361916884787.post-72211897206957907782011-10-15T05:47:00.000-07:002011-10-15T05:48:52.938-07:00Säfledolöd eli Volablud ko migäds kilIf binol lezilan ela Hardcore u Volapükaslopan, kanol anu säfledön eli<br />DJ VOLABLUD - Volablud ko migäds kil:<br /><br />1. DJ VOLABLUD - Volablud (Dönumigäd Radionik) 3:05<br />2. DJ VOLABLUD - Volablud (Rigik) 5:07<br />3. DJ VOLABLUD - Volablud (Dönumigäd Dredatimik) 3:16<br /><br />Säfledolöd is:<a href="http://www.mediafire.com/?4komk2vnd7pptdb">http://www.mediafire.com/?4komk2vnd7pptdb</a>Washireihttp://www.blogger.com/profile/00375757498699755292noreply@blogger.com1tag:blogger.com,1999:blog-6262613361916884787.post-17961303877216032582011-10-12T04:42:00.000-07:002011-10-12T04:55:39.856-07:00DJ VOLABLUD - Volablud<iframe allowfullscreen='allowfullscreen' webkitallowfullscreen='webkitallowfullscreen' mozallowfullscreen='mozallowfullscreen' width='320' height='266' src='https://www.blogger.com/video.g?token=AD6v5dybk2_oSQxCz2iQRbrbrtkZARBx7ZsofAsiM5Ahtmh8cx7YKBHuGwC6Ecu6TZg3OHomeKHfLbMqQMCOWWG4TQ' class='b-hbp-video b-uploaded' frameborder='0'></iframe>Washireihttp://www.blogger.com/profile/00375757498699755292noreply@blogger.com0tag:blogger.com,1999:blog-6262613361916884787.post-77769522556105879822011-10-11T19:01:00.000-07:002011-10-11T19:03:49.459-07:00Prodams Volabludik<div style="text-align: justify;">Ekö plösenob kapiti nulik in jenav nulädik Volapükamufa, sevabo musigi el Hardcore / Gabber palautöl fakipiko in Volapük e popublügöl de nu fütürio. Ejafob so panemöli "Prodams Volabludik" ed oprodob eli Hardcore as DJ VOLABLUD. Ämäniotob büo dö tikamagot jafön nemi "Ludrinan", ab po vätälam bosik äsludob ad gebön nemi votik - "Volablud", keli plidob mödikumo. Im fom at pogebon in prods musigik oba gönü Volapük. Olaboy i fädi lilön spikoti nulädik teiko in Volapük. Ya avigo opubon prod balid ön nem ot "Volablud". Stebedolsöd bosilo, obinon in el YouTube!</div>Washireihttp://www.blogger.com/profile/00375757498699755292noreply@blogger.com0tag:blogger.com,1999:blog-6262613361916884787.post-52067006736711055192011-09-27T20:38:00.000-07:002011-09-28T09:16:55.353-07:00DJ Ludrinan ed el Gabber Volapükik<div align="justify">Büo no äpenob dö atos in delabuk at, ab jafob musigi ze mödiki, pato in Sperantapük. Tikamagot bal ämadikon enu in kop oba, sevabo desinob ad primön proyeki nulik ön nem DJ Ludrinan ko vödems fakipiko in Volapük. Musigastül obinon el Gabber, pasevöl id as el Hardcore ledino Nedänik. Jenöfo do binon musig pato Nedänik, ye nämon id in Litaliyän e boso in läns votik. Musig hiela DJ Ludrinan obinon klu fümiko japikum ka Zam & Zil (ibä stül binon ga votik, igo if nilon), kelis ba sevoy. Balugiko, vilob prodön musigi lemuikum ä japikumi. </div>Washireihttp://www.blogger.com/profile/00375757498699755292noreply@blogger.com0tag:blogger.com,1999:blog-6262613361916884787.post-38035061759453383132011-09-25T18:49:00.000-07:002011-09-25T18:51:42.091-07:00Fino äkoldikos!<div align="justify">Alyelo binos fikulik ad sufälön hitüpi luimöfik in Tokyo dü muls ömik.Ye sis del teldegkilid setula vo senob votikami finik. Büo äbinos aldelo grads plu ka kildeg, igo neito. Klüliko atos binon nos nulik, bi alyelo binos din ot. Ab vo vilob sagön, das ven vamot donikon jü grads teldegtel, dif at binon vemo plitik. Säsun plidik oba primikon. </div>Washireihttp://www.blogger.com/profile/00375757498699755292noreply@blogger.com0tag:blogger.com,1999:blog-6262613361916884787.post-23944764360586029302011-09-24T01:34:00.000-07:002011-09-24T01:37:25.522-07:00Dö grup in el Facebook<div align="justify">Dönu yel bal äpasetikon... Senob, das no äjinos mödo in Volapükamuf dü yel at, ab osteifob ad penön dönu, bi nulod bal nitedik epubon enu: in el Facebook grup Volapükik ävedon vemo jäfedik, anu dabinons us pösods plu ka 10, nog läs ka 20, ab kredob das i nulikans okömons. Ma ced obik, atos kanon lifükön Volapükamufi. Binos din vemo gudik, no-li?</div>Washireihttp://www.blogger.com/profile/00375757498699755292noreply@blogger.com2tag:blogger.com,1999:blog-6262613361916884787.post-89224443953256134272010-09-02T22:00:00.000-07:002010-09-02T22:09:34.485-07:00Drinedibötädöp gladik<div align="justify">Hitüp ayelik binon lehitik in Yapän. Noe vamot aldelik rivon gradis za kildeglulis, abi, äsä sevoy osi gudiko, luimöf luta ai binon vemo geilik, sekü atos mens sufons in stad somik. Ye dabinon plad bal in Ginza uto, kö kanoy juitön nifüpi. Binon bötädöp binü glad - bötädöp no tugretik, ab i nekösömik. Vamot ninik binon grads lul donü ser e dunetäbs mutons lenükön klotis patik nifüpik. Klüliko getoy onis in bötädöp. Poso kanoy seidön oki in klots et len tab gladik, getoy i väri gladik ko drined - kanoy välön lalkoholeriki u nelalkoholeriki. Aldeliko pösods za teltums visitons pladi et, nino kanons seadön mens za kildegs - no fümob, bi no ävisitob bötädöpi et, ab äreidob seimo dö atos. Bötädöp gladik pamaifükon de düp kilid poszedelo jü neit. If pösods mödik stebedons in stebedöp, no kanoy seadön tulunüpo, atos bo muton binön neplu ka düp bal. Äsä äpenob, no nog ävisitob pladi et, ab ogolob bo seimüpo usio ad logön pladi somik. Ye mutoy i sagön, das bötädöp gladik no binon maged yapänik. Dabinons mödiks in vol, in zifs gretik difik. </div>Washireihttp://www.blogger.com/profile/00375757498699755292noreply@blogger.com0tag:blogger.com,1999:blog-6262613361916884787.post-23601980708817753572010-08-18T18:58:00.000-07:002010-08-23T20:52:19.300-07:00Tonodajiplin e köologatonod<div align="justify">Äsä sevobs, in tvalets notik binon kösömo cem bal ko loks e lavabasins, e läo binons lucems pro neods natöfa füsiologik. In tvalets pro mans, cem gretik labon i yuriniäris. Ai kü vilob gebön tvaleti notik, mans votik ya geboms oni. Igo in plads vemo takediks, samo in trenastajonils smalik ai men nemu bal binon. Ed ün sudel in plads pöpedik lezifa el Tokyo poodkeds lunik bundanons ai fo tvalets, pato uts pro voms, bi mans binoms vifikum. Ye vilob penön dö din boso difik. Älilols-li dö parats els "tonodajiplin" panemöls? Linglänapüko binos "Sound Princess" e nem at pagebon in Yapän ya sis tim lunik. Parats at pemekons pato pro voms. Kisi dunons-li parats at? Zesüdos ad plänön. Voms yapänik binofs vemo jemiks, pato utüpo, kü golofs lü tvalet. Utans, kels lödons in Yapän sevons gudiko, das ven vom golof lü tvalet, koedof flumön vati tvaleta no balna, ab telna u igo kilna. Klüliko men muton koedön flumön vati po visit in tvalet, ye "telna u kilna" sinifon, das dü gebam tvaleta vom vilof klänedon tonodi koapa okik e dub atos koedof flumön vati leigüpo. If no saidos, dönuof osi. Gebam vata so suvik no binon köologik, kludo ya sis tim lunik prodoy paratis as "tonodajiplin" panemöls. Pastitons in tvaletalucems e binons bogs smalik len völ, su kels mutoy pedön gnobi. Parat at primon tonodi, kel sümädon vati flumöl. Kanoy nomükön laodi e lunoti tonoda at. E bi voms so mödiks gebons tvaletis notik, in lucems nilädik suvo leigüpo pösods anik binons. In tiäd yegeda at äpenob i eli "köologatonod". Kis binon-li? Binon din saidiko nulik, pedatiköl pro els "i-Phone" as gebädot. In tvalets notik no ai tonodajiplin pastiton, kludo in Yapän äjafoy gebädoti, kel binon tonodajiplin polovik e panemon "köologatonod". Balugiko no nedoy favön kodü nelab tonodajiplina in tvalet seimik, bi laboy tonodajiplini lönik in el "i-Phone"! Seadölo koveniko pedoy gnobili su el "i-Phone" okik e kanoy nomükön: sekunis kildeg, mäldeg, züldeg u tumteldegis. Kanoy i nomükön laodi. Bevü voms lul kösömo voms fol sagofs, das in tvalet mutofs koedön flumön vati ad klänedön tonodis koapa, u mutofs gebön tonodajiplini, bi binofs tujemiks. Kludo no nedoy favön adelo, remolsöd köologatonodi pro "i-Phone" olsik e gololsöd seimio nendredo. Binon flen olsik gudikün! Ab mutob läükön dini nog bali - mens mödik, pato yunans sagoms, das i viloms tonodajiplini somik pro els "i-phones" okik!</div>Washireihttp://www.blogger.com/profile/00375757498699755292noreply@blogger.com0tag:blogger.com,1999:blog-6262613361916884787.post-15473840393340952702010-08-17T20:45:00.000-07:002010-08-17T23:54:16.787-07:00Galükamagloks<div align="justify">Binon din muadik. Jenöfo binon pülik, ab in siäm semik binon i nitedik. Tefon galükianis. Lödob in harat takedik, kö doms negretik stanons. I sütils binons kösömo takediks. Ven jimatan oba ed ob galikobs, galükamaglok obsik pelonon ad düpalaf pos düp mälid göda u semikna mö düp velid. Klülo galükamaglok tonodon e mutoy säkurbön oni, bi if no dunoy osi, poso otonodon dönu. Ven gekömob lomio pos vob oba bü düp velid soara aldelo, spatob su sütils züamöpik e din sököl jenon nomiko: balido dese bal domas lä sütils et takediks stanölas lilob tonädi galükamagloka, ab binos ga soar! Nek säkurbon oni. Kludo fövob spati äl dom obik e suno süpiko se dom votik galükian plödükon tonädi dientifik! Nek säkurbon oni. Poso din ot jenon in dom votik. Binos boso bisarik, ab fümob tefü plän atosa. Pöp in doms mödik lonon galükamaglokis okik ad düp gödik sümik aldelo, kösömo tüi düpalaf pos düp mälid u mö düp velid, e ven tonodon, valikans glömons ad säkurbön onis gudiko, sodas no otonodons dönu soaro. Bo lezifans binons gödo tunärvodiks bü prim vobas okik u balugiko spidons lü vob. E ven soar kömon, galükians et tikons, das dönu binon düp velid göda, kludo tonodons nogna. Klülo no glömobsöd, das dabinons i mens, kels mutons galikön tü düp lulid u igo folid, ye atos binon säkäd difik. Ab binon din nog bal - kikodo nek säkurbon galükiani okik? Gesag binon fasilik - bi in Yapän pöp selediko gekömon lomio bü düp velid, mödikans gekömons igo neito. Kodü atos nek binon lomo ad säkurbön galükiani okik, keli ilüvon gödo. Klülo dinäd at tefon te domis, kö valikans golons lü vob u kö pösod te bal lödon, bi üf pösod votik nemu bal blebonöv in dom, fümo säkurbonöv galükiani. Ye valemo kanoy sagön, das in Yapän lifoy pro vob, seko no laboy timi ad tikön dö dins votik, e pato dö galükians fopik! </div>Washireihttp://www.blogger.com/profile/00375757498699755292noreply@blogger.com0tag:blogger.com,1999:blog-6262613361916884787.post-68532030830825073472010-08-12T23:57:00.000-07:002010-08-13T08:05:18.972-07:00Utada Hikaru onecalikof se musigabüsid<div align="justify">Jikanitan vemo famik in Yapän, jiel Utada Hikaru bäldotü yels 27, änunof in delabuk bevüresodik oka, das primü yel okömöl, onecalikof se vol musigik pro tim semik, no nog pesludöl. Atos sinifon, das vilof gekömön seimikna lü kanitam, ab nu desinof ad takädön boso e klemön büsidi. Äsä sagof, vilof studön dinädis nulik, dedietön timi mödikum pro dinäds privatik e seivön voli gudikumo. Sagof, das kod atosa no binon mat u maläd, balugiko vilof takädön e madikön. Jiel Utada Hikaru binof levemo famik in Yapän, i boso plödü Yapän, pato bevü löfans so panemöla "j-pop". Jikanitan ädabükof tonodasirkotis lunapledik lul yapänapüko, kils linglänapüko, konletis tel sirkotülas balatik ed elis DVD mödik. </div><br />Ekö sirkotüls lunapledik yapänapüko:<br /><br />"Löf balid" (1998)<br />"Fagot" (2001)<br />"Flumed dibik" (2002)<br />"Loveblöv" (2006)<br />"Ladastajon" (2008)<br /><br />e sirkotüls lunapledik linglänapüko:<br /><div align="justify"><br />"Jeragikos" (1998)<br />"El exodus" (2004)<br />"Ekö at" (2009)<br /><br />Utada Hikaru inunof dö desin okik avigo ün mudel, e pos nunam et ägetof visitis balion in delabuk okik dü düps te teldegfol. O milag kion! Fino, äsagof: "Ogekömob madikum". </div>Washireihttp://www.blogger.com/profile/00375757498699755292noreply@blogger.com2tag:blogger.com,1999:blog-6262613361916884787.post-33880616265958208052010-08-12T20:08:00.000-07:002010-08-12T20:15:48.127-07:00Buk famik atnaedo in Volapük-li?<div align="justify">If ogoloy lü Volapükalised tö el Yahoogroups, kanoy reidön bespiki nitedik, sevabo tikamagot e mob nulik äpubons, das lekoned famik "Älis in Milaglän", kel ya petraduton ini püks distöfik, ögeton traduti ini Volapük. No sevob, va proyek at olabon benoseki, ab tikamagot binon gudik. Sevob, das tradutods mödik bukas distöfik ya dabinons in Volapük, ab no fümob tefü lekoned at. If binosöv naed balid, Volapükans nulädik kanonsöv steifulön. Vilöfo okeblünob gönü proyek somik. Poso ologobs, vio dinäds progedons. </div>Washireihttp://www.blogger.com/profile/00375757498699755292noreply@blogger.com0tag:blogger.com,1999:blog-6262613361916884787.post-27936181269782065212010-08-09T21:19:00.000-07:002010-08-09T22:02:55.104-07:00Pos lunüp...<div align="justify">Si, nügolob delabuki lönik e logob, das yels ti tels epasetikons sisä ädunob nüpenädi lätik. Ädunob mödikosi dü tim et - ädabükob tonodasirkoti obik, epenob delabukis votik (samo in Idiom Neutral), ejafob resodaspadi pro Spokil e ret. Ye ädelo äreidob bespiki nitedik tö el YahooGrup Volapükik yegädü Volapükans jäfedik gönü Volapük, kels pidabiko poso perons kosami ko Volapük demü jäfs votik. Obo, binob ai Volapükan, ab no äpenob delabuki at dü tim lunik. Vilob binön Volapükan jäfedikum, bi pük at milagik meriton küpäli gretikum de vol, ye fütüratim Volapüka binon nefümik. Osteifülob ad penön nomiko dö yegäds distöfik, ba oprimob i tradutodi nulik koneda seimik u konotas anik. Föfiö!</div>Washireihttp://www.blogger.com/profile/00375757498699755292noreply@blogger.com2tag:blogger.com,1999:blog-6262613361916884787.post-1360024640586884242008-09-28T08:12:00.000-07:002008-09-28T08:32:38.784-07:00Gudükam tö tiäd delabuka<div align="justify">Ven äsukob delabuki obik me suköm ela "Google", leno äkanob tuvön oni. Ätikob, das ba kod atosa binon jenöfot, das pla tiäd delabuka te magod Volapükik ko devid <strong>"Menefe bal püki bal"</strong> pubon. Ab ibä binon te magod, binos din natik, das suköms no kanons tuvön oni. Klu evotükob tiädi delabuka boso. Nu reidans kanons logön devidi obas Volapükanas nulädik, in tonats gretik papenöli: <strong>MENEFE BAL PÜKI BAL</strong>. Näi devid obsik binon plän smalik: <strong>Delabuk in Volapük</strong>. E fino, i magod Volapükamufa klüliko binon logädik lä flan detik. Spelob das danädü fom somik suno okanob logön delabuki obik me suköm bevüresodik seimik. If mens votik id ologons delabuki at, osuädons, das Volapük binon jenöfot id ün milyel nuik. Muf ba smalik, ab din gretik, no-li?</div>Washireihttp://www.blogger.com/profile/00375757498699755292noreply@blogger.com3tag:blogger.com,1999:blog-6262613361916884787.post-70167681174643564132008-09-28T07:33:00.000-07:002008-09-28T08:51:05.244-07:00Diläd nulik delabuka, reidam konota nulik e vödil "plunätöfo".<div align="justify">Äsludob ad nüdugön dilädi nog bali ini delabuk obik, sevabo "Gulül gramatik". Pos juitam reidama konota tiädü "Kafibötädöp de 'Surat'", äprimob ad reidön konoti fovik se el "Wikisource". Binon konot nitedik ön tiäd <em><strong>"Man labü yäk blövik"</strong></em>. Ätuvob us vödi bal, kela sinifi niludob, ab no kanob tuvön oni in vödabuk. In konot et binon fraseod sököl: "Ma logot älabom-la bäldoti lifayelas plunätöfo foldegas, maged omik äbinon brefik ä blotöfik." Yegäd cifik binon vöd "plunätöfo". Ma nilud oba sinifon utosi, kelosi sinifon vöd votik, sevabo "pluuneplu". Semikna gebob vödi "pluuneplu" ma neod, ab vödi "plunätöfo" no äkanob tuvön in vödabuk Volapükik. Klüliko sevob</div><div align="justify">sinifi vödila "nä", in matemat pageböli, klu niludob, das kobet vöda "nä" ko vöd "plu" sinifon "pluuneplu". Logob vödi at balidnaedo e betikob yegädi at, va vöd somik pagebon fa Volapükans seimik nutimo. </div><div align="justify"></div>Washireihttp://www.blogger.com/profile/00375757498699755292noreply@blogger.com1tag:blogger.com,1999:blog-6262613361916884787.post-19957787413841352732008-09-28T07:28:00.000-07:002008-09-28T07:56:09.853-07:00Mäniot brefik<div align="justify">No älabob timi saidik ad pübön penädi nulik, ab nemuiko äkoräkob pladis anik in märs tel büik ed äpladob ceinis ot ini lölots. Id äreidob nogna küpetis dis penäds ed äläükob i küpetis obik lönik. </div>Washireihttp://www.blogger.com/profile/00375757498699755292noreply@blogger.com0tag:blogger.com,1999:blog-6262613361916884787.post-55082547319409310352008-09-25T07:09:00.000-07:002008-09-25T07:33:25.067-07:00Dins anik tefü konots pätradutöl<div align="justify">Binob danöfik hiele Volaflen demü küpets vemo völadiks. Olülogob nogna dilis mära "Jifey", kels ya pekoräkons ed omekob ceinis ot in lölot. Poso omutob dunön otosi tefü mär dö fönig. Bü valikos, nu ya büfo ceinob nemi at in tiäds. Klüliko, poso ogepenob geükamü küpets nulik. Ven valikos pukoräkon, oprimob traduti sökik.</div>Washireihttp://www.blogger.com/profile/00375757498699755292noreply@blogger.com1tag:blogger.com,1999:blog-6262613361916884787.post-2841581161543023502008-09-23T08:27:00.000-07:002008-09-25T07:14:50.758-07:00Dö ceins in "Jifey"<div align="justify">Ko yuf gudik Volaflena äkanob gudükön pladis anik in mär "Jifey". Atos binon fümiko vemo gudik. Ibä dajonob märis in dils, suno omutob i sukön pladis valik in penäd "Jifey (löl)" e mekön ceinis ot in plads et tefik. Mär fovik, sevabo "Böd Fönig" äbinon boso fikulikum ad tradutön. Üfü küpets anik obinob danöfik. </div>Washireihttp://www.blogger.com/profile/00375757498699755292noreply@blogger.com1tag:blogger.com,1999:blog-6262613361916884787.post-58199619993725341422008-09-22T08:57:00.000-07:002008-09-23T03:33:21.547-07:00Tiks obik tefü konot "Kafibötädöp de 'Surat'"<div align="justify">Memob semikna timis, kü äprimob ad lärnön Volapüki. Tidabuk oba äbinon buk Deutänapükik, keli ägetob täno de Volapükaflen famik Fransänik. Id äyufom obi tefü säks distöfik gramatik. Poso äsumob vödemi balid, keli älabob i danädü Volapükaflen ot Fransänik. Äbinon konot tiädü "Kafibötädöp de 'Surat'", rigiko fa lautan Fransänik pilautöl, fa hiel Jacques Henri Bernardin de Saint-Pierre (1737-1814), klüliko poso ini Volapük pätradutöl e fino, in <strong><em>"Volapükagased pro Nedänapükans"</em></strong> päpüböl. Konot et ägevon obe magädi gretik dö lieg Volapüka. Älabon i sogäli patik. Ye tefü ninäd konota et, mutob sagön, das dins semik no plitons obe, sevabo jenöfot, das mens ömik ädalabons slafanis. In vol obsik nulädik no vilobs lilön dö mastans e slafans, ibä valikans binons leigiks. Suemob, das konot et fläkon jenöfi ettimik ed atos kanonöv binön säk pro lautan konota dö tims vönik, ibä jenöfo tradutod Volapükik binon te tradutod. Spikölö ye dö flan pükik, vödem et binon bligäd gudik pro Volapükans. Pos tim semik, ven äsukob konoti et ad juitön reidami Volapükavödas dönu, pidabiko no äkanob tuvön oni. Ab, din vemo plitik, enutimo fädo ätuvob oni tö el <em>Wikisource</em>, kö ek ipübon oni. Klu, <strong><em>"Kafibötädöp de 'Surat'" </em></strong>binon rivovik pro alan, kel vilon juitön liegi vödas Volapükik. </div>Washireihttp://www.blogger.com/profile/00375757498699755292noreply@blogger.com2tag:blogger.com,1999:blog-6262613361916884787.post-82451033232984076092008-09-19T07:03:00.001-07:002008-09-28T07:22:39.211-07:00Böd Fönig (löl)<div align="justify">In paradagad, dis bim nolama, rosadabimül ästanon; is, in rosad balid, böd pämoton, kel me flitam okik äkanon zilälön ko lit e kela köls äbinons stunidabiks, kela kanitam äbinon magifik. Ab ven jiel Eva äsesleitof fluki nolama, ven of e hiel Adam päsemofons se gad el Eden, täno de gläv flamöl keruba spag äfalon ini näst böda ed äfilidon oni. Böd ädeadon in flam, ab se nög glutöl böd nulik ä soalik, Fönig, ai soalik äfliton. Konäd sagon, das böd et labon nästi okik in Larabän ed ün yel alik tumid fifilükon oki it in näst okik, ed Fönig nulik, soalik in vol, sefliton se nög glutöl.Böd fliton zü obs, vifik äs lit, stunidabik dub köls okik, magifik in kanitam oka. Ven mot seadof len klädöm cila, böd komädon näi kapakusen e flapon me flitäms okik, jüs zü kap cila nidasirk pafomon. Fliton travärü cem misera, e tän us solalit reigon, täno klotabog miserik geton smeli violas. Ab böd Fönig binon noe böd de Larabän, abi fliton in nid nolüdalita sus fels gladik Lapäna, bunilon i bevü flors yelovik ün hitüp brefik Gröneäna. Bevü klifs kuprinagik di Fahlun ed in kolatameinäds Lingläna liloy flapami flitämas onik, e fliton sus plekabuk in nams vobana. Su bled lotuta mofon vati saludik de flumed ela Ganges, e logs jipula Lindänik litikons, ven logof oni. Böd Fönig it! No sevol-li oni, bödi parada, svani saludik kanitama? Su luvab ela Tespis äseadon äs rab spikotälik ed äflapon me flitäms blägik lefatofik. Sus hap kanitana Lisladeänik honed redik tonädik böda äslifon; su jots hiela Shakespeare äseadon äs rab hiela Odin ed ävisipon ome ini lil: nendeadöf. Dü zäl kanitanas äfliton travärü lecem kavidanik di Wartburg. Böd Fönig it! No sevol-li oni? Äkaniton ole eli Marseillaise, ed ol äfanol plümi, kel isefalon se flitäms onik; äkömon in nid paradik, ed ol ba ädeflekol oli de on ed äflekol oli lü spär, kel äseadon ko goldam su flitäms. O böd paradik, altumyelo panululöl, in flams pamotöl ed in flams deadöl, magod olik lagon in frem goldik in lecems liegikanas, du ol it, suvo pölagliböl ä soalik, flitol usio e dönu isio, te konäd: böd Fönig in Larabän. In gad ela Eden, kö pämotol dis bim nolama, in rosad balid, us God äkidon oli ed ägevon ole nemi verätik: poed.</div>Washireihttp://www.blogger.com/profile/00375757498699755292noreply@blogger.com0tag:blogger.com,1999:blog-6262613361916884787.post-59247211904650781852008-09-19T07:03:00.000-07:002008-09-28T07:27:26.484-07:00Böd Fönig - dil folid<div align="justify">Böd Fönig it! No sevol-li oni? Äkaniton ole eli Marseillaise, ed ol äfanol plümi, kel isefalon se flitäms onik; äkömon in nid paradik, ed ol ba ädeflekol oli de on ed äflekol oli lü spär, kel äseadon ko goldam su flitäms. O böd paradik, altumyelo panululöl, in flams pamotöl ed in flams deadöl, magod olik lagon in frem goldik in lecems liegikanas, du ol it, suvo pölagliböl ä soalik, flitol usio e dönu isio, te konäd: böd Fönig in Larabän. In gad ela Eden, kö pämotol dis bim nolama, in rosad balid, us God äkidon oli ed ägevon ole nemi verätik: poed.</div>Washireihttp://www.blogger.com/profile/00375757498699755292noreply@blogger.com1tag:blogger.com,1999:blog-6262613361916884787.post-65566065186606286632008-09-18T03:46:00.001-07:002008-09-28T07:26:17.360-07:00Cein smalik in nem böda<div align="justify">Ätikob boso, vio penön nemi böda in mod gudikün. Linglänapüko papenöl somo: Phoenix. Klu cedob, das demü pron gudikum sötob penön Föniks. Äsukob tuvedoti seimo in bevüresod, ab no kanob tuvön oni. Kodü atos esludob ob it, das ad penön nemi el Föniks ba obinos verätikum.</div><div align="justify">Noet lätik: fino etuvob tuvedoti: vöd Volapükik binon "fönig", denu ogebob oni tö plads valik.</div>Washireihttp://www.blogger.com/profile/00375757498699755292noreply@blogger.com1